Eyja í landamærabandalagi?

 

Til hvers er Ísland í Schengen sem er landamærabandalag og við erum ekki með nein landamæri?  Er eitthvert eyríki í þessu bandalagi nema Ísland?  Getur verið að léleg enskukunnátta íslenskra stjórnmálamanna, sbr. síðustu samningar Orkuveitunnar, hafi orðið þess valdandi að Ísland gekk í Schengen, t.d. "no island" hafi misskilist sem ekkert Ísland en þeir sem skilja ensku vita að "island" á ensku hefur ekkert með Ísland að gera heldur þýðir eyja.  Ef ég man rétt þá voru Framsóknarmenn með forystu í utanríkismálum þjóðarinnar þegar við gengum í Schengen, í forystu þegar vísitölukerfið var tekið upp, veiðistjórnunarkerfið með tilheyrandi kvótabraski, 90% lán til húsnæðiskaupa, varnarsamninga við BNA ofl.  Mér finnst líklegt að Schengen sé svipað gáfumannamál og það sem að framan er upp talið.  Vona að núverandi Utanríkisráðherra skoði þetta með "island" og hafi með sér góðan túlk.

Schengen-svæðið stækkar 1. desember

Athugasemdir

[Guðlaugur Kristmundsson, 8.11.2007 kl. 23:54]

Malta er að gerast aðili. Einnig má nefna Álandseyjar og Kanaríeyjar ásamt öllum svæðum Frakklands í Suður-Ameríku. Ég skil ekki að það sé erfiðara fyrir Ísland að vera aðili en þessi svæði...

Þér til fróðleiks má nefna að Svalbarði er eina eyjan sem hefur sérstakan samningsákvæði gagnvart Schengen sem gerir það að verkum að allir sem koma þaðan þurfa að fara í gegnum vegabréfaeftlit en ekki þeir sem ætla frá Schengensvæðinu yfir til Svalbarða. Svo má líka nefna eyjarnar Færeyjar og Grænland sem hafa greiðan aðgang inn á Schengensvæðið í gegnum Danmörku, en umferð þaðan til Danmerkur telst innan svæðisins.

Ég bara get ekki setið á mér þegar bullað er svona út í loftið, það þarf ekki annað en að leita á netinu til þess að finna sér réttar upplýsingar.

[K Zeta, 8.11.2007 kl. 23:59]

Hvað með Bretland, Írland?  Við höfum ekkert að gera í Schengen frekar en í öryggisráðinu eða þá með forstjóra hjá WHO.  Held samt að þetta hafi allt verið misskilingur því Framsóknarmenn tala fæstir ensku og skrifa því gjarnan undir hvað sem er.  Enda ef þeir kynnu að lesa ensku væru þeir fróðari um heimsins gang og hættu því að vera Framsónkarmenn.

[Villi Asgeirsson, 9.11.2007 kl. 14:13]

Bretland er ekki í Schengen vegna þess að þeir vilja ekki opin landamæri. Komist maður inn á Schengen svæðið er ekkert sem stoppar mann við landamæri Schengen ríkja. Bretland er vinsælt meðal flóttamanna og þeir vilja getað stoppað fólk. Írland er ekki í Schengen heldur, og ekki Sviss.

Álandseyjar, Kanaríeyjar, Grænland, Færeyjar, Mallorca, Sardinia, Heimaey, Krít... Þetta eru ekki sjálfstæð ríki svo við getum ekki borið okkur saman við þessar eyjar. Svo eru, eins og bent var á hér að ofan, landamæri á Íslandi. Allir alþjóðaflugvellir eru landamæri.

[K Zeta, 9.11.2007 kl. 19:49]

Það sem ég er að reyna að segja er að við sem eyja þurfum ekki að vera í Schengen.  Einfalt og klárt því svona opin landamæri, flugvöllur, kallar á eftirlitslausan innflutning fólks frá svæðum Schengen.  Það að ganga í Schengen voru mistök.  Þegar rútan valt með Pólverjana sáum við hversu gott Schengeneftirlitið er.