Tossar í besta bekk

Áhersla okkur Íslendinga í menntamálum er að fjölga háskólum og fylla þá af nemendum til að slá heimsmet á fjölda framhaldsskólanema.  Hvað verið að kenna og hvernig er ekki aðalatriðið heldur frekar Ólympíuhugsunin að það sé ekki málið að vinna eða vanda sig heldur bara að vera með.

Grunnurinn hefur orðið útundan í metnaðarfullu "Hiarcy" ofannefnds.  Núna þurfa ráðamenn þjóðarinnar að fara að teikniborðinu og "Plotta" rétta stefnu því  miðað við útkomu barnanna okkar í síðustu PISA könnunum erum við alverlega afvegaleidd.  Það verður að snúa menntakerfinu í viðunandi framleiðslugæði með hliðsjón af því fjármagni sem fólkið í landinu er að leggja í málaflokkinn.  Núna er þörf að spýta í lófana og setja sér einhver mark- og viðmið.  Miðum okkur við Finna, reynum að læra af þeirra aðferðarfræði til að ná sambærilegum árangri.  Þjóðin bíður spennt eftir úrræðum og því ættu forsvarsmenn kennara landsins að ríða á vaðið í þeim efnum og láta af frekari vörnum fyrir kerfið einsog það er að standa sig í dag.

Staða Íslands versnar

Opinber trú

 

Vesalings Frú Gibbons og vesalings fólkið í Súdan.  Á meðan opinberir herir Súdans drepa eigin þegna í þúsundavís sitja allir heima en þegar dúkka er kölluð Muhameð verður allt vitlaust.  Það er sem ég hef sagt fyrr, trú á ekki að vera opinber eða í höndum ríkisins, reynslan hefur sýnt okkur þetta í áraþúsundir en kennt okkur lítið.  Fögnum því framtaki Þorgerðar Katrínar að taka einhliða trúarkennslu útúr grunnskólum landsmanna.

Krefjast aftöku Gibbons

Konur eru konum ...

 

Kannski er máltækið að "konur séu konum verstar" ekki úr lausu lofti gripið eða þá frá köllum komið?  Gamalt kúreka máltæki segir "where there is a smoke there is a fire"

Tilvitnun úr Time 27/11/2007 

Now, hold on a minute. This is not the way it was supposed to be. All of that demonstrating and pamphleteering in the early '70s was supposed to have & helped women move into professional and managerial jobs without resorting to destructive behavior. But as more women rise in the corporate power structure, they are discovering, much to their dismay, that they are not always sisters under the skin after all. In fact, many of them are acting suspiciously like . . . well . . . men. "Now women are encouraged to be as aggressive as men on the job," write Psychotherapists Luise Eichenbaum and Susie Orbach, co- authors of the just published book Between Women: Love, Envy, and Competition in Women's Friendships (Viking; $17.95).

Fegurðardrottning stóð af sér úðaárásir

Sorglegt

Þetta á líklega eftir að aukast þegar hægt er að kaupa Vodka á bensínstöðvum og í Bónus.  Þá geta allir sem vettlingi geta valdið drukkið án þess að hafa áhyggjur af því að komast í Ríkið innan strangs opnunartíma.  Svo held ég að við ættum að leyfa sölu skotvopna á bensínstöðvum líka svo þessum hnífsstungum linni og menn fari nú bara að skjóta hvorn annan einsog í Texas.

Lagði til vinnufélaga síns með hnífi

Eyja í landamærabandalagi?

 

Til hvers er Ísland í Schengen sem er landamærabandalag og við erum ekki með nein landamæri?  Er eitthvert eyríki í þessu bandalagi nema Ísland?  Getur verið að léleg enskukunnátta íslenskra stjórnmálamanna, sbr. síðustu samningar Orkuveitunnar, hafi orðið þess valdandi að Ísland gekk í Schengen, t.d. "no island" hafi misskilist sem ekkert Ísland en þeir sem skilja ensku vita að "island" á ensku hefur ekkert með Ísland að gera heldur þýðir eyja.  Ef ég man rétt þá voru Framsóknarmenn með forystu í utanríkismálum þjóðarinnar þegar við gengum í Schengen, í forystu þegar vísitölukerfið var tekið upp, veiðistjórnunarkerfið með tilheyrandi kvótabraski, 90% lán til húsnæðiskaupa, varnarsamninga við BNA ofl.  Mér finnst líklegt að Schengen sé svipað gáfumannamál og það sem að framan er upp talið.  Vona að núverandi Utanríkisráðherra skoði þetta með "island" og hafi með sér góðan túlk.

Schengen-svæðið stækkar 1. desember

Sjálfræði

Er sannleikurinn alltaf augljós og getur einhver sagt öðrum hvað er satt?  Það er sem ég segi, það á að banna trúarbrögð ef þau kalla á lífshættulegt atferli og geta valdið skaða og dauða.

Þáði ekki blóð og lést af barnsförum

Íslenskan her

Ég held að við ættum að stofna alvöru vopnasveitir með landher, flugher og sjóher.  Þetta myndi skapa kringum 2000 ný störf með fjórföldum "spin- off" áhrifum, samtals 10.000 ný störf.  Ef við hagræddum í landbúnað og lækkuðum matvælaverð samtímis myndi losna um álíka mörg störf og skapast við að kom upp íslenskum her svo þensluáhrifin yrðu öfug því fólk þyrfti á minni peningum að halda til að kaupa nauðsynjar og þyrfti því síður að taka lán sem síðan myndi lækka vexti og verðbólgu í kjölfarið.  Vandræðaunglingar fyndu bás sinn í herþjónustu og lærðu til handverka og að hlýða aga svo fangelsisstofnunum mætti loka innan fárra ára þar sem tilvonandi fangar væru á heræfingum eða að berjast með her BNA í austurlöndum nær og fjær.  Flókinn og fjölmennur félagsfræðipakki þjóðarinnar drægist saman í margfeldi við fækkun glæpa og jafnvægi kæmist á vinnumarkaðinn og erlent vinnuafl því óþarft og skriffinnska sem því utanumhaldi fylgir og enn erum við að græða vinnuafl.  Yfir hernum myndi ég svo gera Björn Bjarnason að Yfirhershöfðingja sem síðan myndi skipuleggja skrúðgöngur allra deilda niður Laugaveginn í upphafi hverrar árstíðar.

Bandaríkin eyða á þriðja þúsund milljarða króna í leyniþjónustu sína

Allt í lagi hjá okkur

Hverjum er það að kenna að borgin sé máluð "Rauð" rúmu ári eftir myndun nýs hægrimeirihluta nema þeim sem brutu upp samstarfið við Björn Inga og svo má skoða atburðarrásina og velta því fyrir sér hvort fólkið sem fer fyrir hönd Sjálfstæðisflokksins sé með nægilega reynslu og getu til að taka svona flókin rekstur að sér einsog að reka heila Borg í samfloti með öðrum flokki?  Ég legg til að Sjálfstæðismenn "Rýni til Gagns" innanbúðar.

Hanna Birna upplýsti um hvers vegna borgarstjórnarsamstarfið brast

Af hverju er svona mikið laust í nágrenninu?

Hvað veldur þessu að þar sem aðgerðirnar eru framkvæmdar er ekkert laust og mannekla en í kring er laust og nóg af starfsfólki?

Biðin brátt úr sögunni?

Nýr forseti

Úr því Alan Greenspan spáir Hillary sigri í næstu kosningum þá er líklegt að svo verði.  Ekki slæmt að fá þessi greindu hjón í Hvíta Húsið til að þrífa til eftir Bush bæði heima og heiman.  Samt verður fólk að vera sjálfu sér samkvæmt í allri gagnrýni á Bush og þá sérstaklega er varðar Írak og eftirmála þeirrar innrasar því hinn frjálsi heimur verður að takast fyrr en síðar á uppgangi öfga Múslima líkt og gert var í Normandí 1944.  Held að vinstri klíkan hérna heima verði að skoða málin í víðara samhengi og þá sérstaklega með hliðsjón af rétti kvenna, hvernig þessum öfgahópum trúarofstækis verðu mætt.  Þarna er Bush ekki að gera tóma vitleysu og sagan verður að dæma betur um það síðar.

Hækkun á bandarískum hlutabréfavísitölum