Hvað með miðbæinn okkar?

Væri ekki nær að ráðamenn þjóðarinnar einbeittu sér að koma löggæslumálum í miðbæ Reykjavíkur í lag áður en við förum að sinna öryggisgæslu annarra landa?

Stuðningur eykst við framboð Íslands til öryggisráðs SÞ

Fjölgum myndavélum?

Núna þarf bara að fjölga myndavélum í miðbæ Reykjavíkur svo hægt sé að skoða atburði helgarinnar á mánudagsmorgni.  Hin leiðin er svo að fá fólk sem kann, til að skipuleggja löggæsluna og hafa lögreglumenn á staðnum þar sem vænta má ofbeldis og kannski koma í veg fyrir ólæti.  Hvernig er svona gert erlendis?  Varla með því að fjölga myndavélum eða bílum í næsta nágrenni við staðina þar sem óláta er að vænta heldur í miðju samkomunnar, með fjölda og styrk.

 

Tíu líkamsárásir tilkynntar til lögreglu

Clean up your own backyard

Núna þegar Írakstríðið er í hámarki og við fáum daglegar fréttir af mannfalli þaðan gleymist mannfallið heima hjá okkur sjálfum, allavega úr ríki Bush Texas.  Þarna hefur trúin mikil áhrif, í Texas og Írak, og spurning hvers vegna svona mikið ofbeldi þar sem fólk biður svo mikið?  Kannski texti Presleys segi meira um þetta:

"Clean up your own backyard
Oh dont you hand me none of your lines
Clean up your own backyard
You tend to your business, Ill tend to mine"

Menning og trúarbrögð sögð skýra aftökugleði Texas-búa

Trúarbrögð eru böl

Meðan við mismunum ofbeldi eftir því hvort það sé framið í nafni trúar eða annars, t.d. græðgi, þá munu svona misþyrmingar halda áfram undir verndarvæng löggjafans.  Verði hinsvegar bannað að beita ofbeldi í nafni trúar yrði svona ólöglegt og þannig leggjast af.  Líklega verðum við að skoða hvort trú og lög megi undir nokkrum kringumstæðum fara saman.  Sagan segir okkur að því meiri ítök sem trúin hafi því meira ofbeldi gegn þegnunum, þannig að, líklega að banna trúarbrögð innan samfélaga þannig að þau hafi bein áhrif á gjörðir okkar en leyfa fólki að trúa heima í friði svo fremi sem það sé ekki að brjóta á öðrum.

Egypsk stúlka lést af völdum kynfæraskurðar

Lærum af Lúkasi

Við verðum að fara að læra betur meðferð opinberra mála og fjölmiðlar þurfa að fara betur með getgátur um sekt manna og kvenna þegar einhver mál koma upp. Ættum að vera búin að læra af Geirfinnsmálinu, sem fjölmiðlar fundu upp, svo ekki sé talað um meint dráp á hundinum Lúkasi, kannski þarf að fara með þjóðina í afvötnun á ljótleikafíkn sinni?

Drengur grunaður um íkveikju líklega saklaus

Gæti lækkað verð á víni

 Ef vín er tvöfalt dýrara hérlendis en t.d. í Þýskalandi og neyslan helmingi meiri þar er þá ekki líklegt að við einfaldlega notuðum sömu fjármuni en fengum meiri vínanda?  Hátt verð á áfengi heldur aftur af neyslu, það er engin spurning, kannski frekar  umhugsunarefni hvort þeir sem misnoti ólögleg vímuefni héldu sig frekar við hefðbundið "Ethanol" og neyttu síður ólöglegra efna?

„Aukin neysla og heilsutjón afleiðingar lægra áfengisverðs"

Ekki skrítið

90 km/H er frekar lítið fyrir Reykjanesbraut og svo er 90 líka á malarvegi á Ströndum?  Kannski getum við miðað hraða við aðstæður heldur en að vera með þessar reglugerðir úr fornöld þegar sauðfé og hross gengu lausagöngu meðfram vegum og næsta blindhæð var 100 metra frá þeirri fyrri?

Franskur ökuþór vísar íslenskum lögum á bug

Risinn að vakna

Núna held ég að það sé gott að fjárfesta í Ameríska markaðinum.  Fólk sér fyrir endann á stjórnartíð Bush og nýtt þing á eftir að rétta eyðsluhallann af.  Þetta Dýnamíska samfélag iðnaðar og þekkingar er metið langt undir getu og líklega aðrir markaðir umfram getu.

Dow Jones lokar á meti

Hvað er nýtt?

Þessi umræða um lyfjaverð er ekki ný af nálinni og skrítið hversu lengi menn og konur hafa verið að komast að því að það er vegna úreltrar löggjafar sem ekki er hægt að versla ódýr lyf inní landið.  Hvað ætti svo stofnun einsog lyfjastofnun að finna út sem frændur okkar Svíar væru ekki löngu búnir að finna út með ný eða gömul lyf.  Hver man ekki eftir umfjöllun fyrir rúmu ára um verð á hjartamagnýl sem kostar 10- 20 sinnum meira hérna en erlendis?  Hefði maður ætlað að í framhaldi af slíkum staðreyndum þá færi sá her manna og kvenna sem vinna hjá Heilbrigðisráðuneytinu að skoða þessi má af Heilbrigðri Skynsemi en það er öðru nær.  Ekkert gerðist frekar en í umræðunni um hátt matarverð enda sami flokkur við völd í báðum ráðuneytum þá, forræðishyggja og neyslustýring:  Áfram Fornöld!

Núna getur fólk spurt sig hvers vegna þurfum við að halda úti dýru lyfjaeftirliti frekar en eftirliti með öðrum læknisvörum, t.d. hjartagangráðum, æðastoðnetum eða hjartalokum þar sem einfalt CE er látið duga hér einsog annars staðar Vestur - Evrópu.  Því miður hefur fólkið í heilbrigðisráðuneytinu ekki verið að vinna vinnuna sína og ekki að vænta skynsamlegrar lausnar úr þeirri áttinni nema nýr ráðherra þess ráðuneytis fari að ráða til sín hæfa ráðgjafa.

Heimila ætti innflutning norrænna lyfja

Dömulegt eða hvað?

Kannski hefði þetta ekki verið frétt nema að það voru stúlkur sem veittust að lögreglunni en þarna finnst mér jafnréttisbaráttan komin á hálan ís svo vægt sé til orða tekið.  Það að grýta lögreglumenn með eggjum á að kosta meira en smásekt, öðrum til viðvörunar.

 

150 manna unglingapartý leyst upp