Matador hagsæld

Hagsældin hélendis er sumpart vegna okurs á hvort öðru samanber BicMac vísitalan sem var í fréttum í síðustu viku.  Við búum við hæsta matarverð í Evrópu og líklega allri veröldinni, knúinni sérhagsmunaöflum og opinberri neyslustýringu.  Þetta ofurverð fjármögnum við svo með lánum, veðsettu í húsum sem eru á tvöföldu kostnaðarverði þar sem land er nóg, borgum svo ofurvexti fyrir okurneysluna.  Til að bæta gráu ofan á svart þá belgjum við út Ríkisbáknið sem svo sogar til sín vinnuafl með tilheyrandi launaskriði og aukinni skattheimtu til að ala megi Púkann.  Innlendur iðnaður leggst af eða flýr landi brott og ný fyrirtæki og heimili þurfa að glíma við verðbólguna með ofurvöxtum og hæsta verðlagi innan OECD.  Þjóðin er í sjálfheldu arfavitlausrar hagstjórnar og forsjárhyggju undanfaraáratuga.  En það er hægt að bretta upp ermarnar og vinda ofan af vandanum og best væri að að bræða niður Rríkisbáknið því líkt og BigMac þá eigum við líka met ríkisrekstri, þ.e. með flesta starfsmenn hjá Ríki og Sveit.  Tillaga af byrjun:  Einn Seðlabankastjóra frekar en þrjá, einn sendiherra á sendiráð, einn bónda á þúsund rollur og svo koll af kolli þar til Púkinn á Ríkisbitanum hefur náð réttu holdafari.

Matvæli dýrust á Íslandi

Dodge City

Ég held að það sé á ábyrgð starfsmanna Dómsmálaráðuneytisins að fara að upplýsa Björn um breytta heimsmynd og gæta þess að eyðslan í kringum lög- og strandgæslu fari ekki út fyrir alla þjófabálka.  Það mætti halda að við Íslendingar byggjum í Dodge City á miðri 19.öld og óaldarlýður æddi uppi með strandhögg og skothríð.  Getur einhver sagt mér hvers vegna Íslendingar þurfa hlutfallslega fleiri lögreglumenn en aðrar þjóðir meðan við höfum lægstu glæpatíðni innan OECD?  Til samanburðar þá eru framin 7 morð í bandaríkjunum á hverja 100þús. íbúa árlega sem jafngilti 21 morði hérlendis eða einu aðra hverja viku.  Reikni nú hver sem vill.  Er þessi della Björns Bjarna fyrir einkennisbúningum, vopnum, þyrlum og skipum ekki að kosta skattgreiðendur of mikið á meðan aðrir þarfir hlutir einsog nútíma hjartaþræðingartæki á Háskólasjúkrahúsið okkar er látið sitja á hakanum?  Kannski er landið of lítið og friðsamt fyrir getu Dómsmálaráðherra í þessum málaflokki en ég er alfarið á móti því að greiða hærri skatta til að kosta"Die Hard"-hugaróra Björns Bjarnasonar.

Rafbyssur til reynslu

Landbúnaður

 

Hvað á fornaldarlandbúnaður okkar Íslendinga stóran þátt í þessu háa verði á BigMac?  Vonir okkar um nútímavæðingu landbúnaðarins með nýjum ráðherra eru að breytast í vonbrigði og ekki að vænta lækkunar matarverðs fyrir Íslendinga meðan framsóknararmur Sjálfstæðisflokksins er við stjórn.  Þjóð sem vinnur lengstan vinnudag og er með hlutfallslega flestar konur úti á vinnumarkaðnum ætti að njóta þeirra forréttinda að kaupa ódýran tilbúinn mat en því er alveg öfugt farið meðan forsjárhyggja og neyslustýring ríður húsum í Valhöll.

Íslenska krónan ofmetnasta myntin samkvæmt Bic Mac vísitölunni

Skrítið

Hvenær halda menn og konur að það verði rólegt og friðsamt þegar ungu fólki er safnað saman í tjöld á afmörkuðum stað fjarri heimahögum með gnótt áfengis og annarra efna?  Íslendingar halda margar útihátíðir árlega og eru alltaf jafnhissa á drykkju og slagsmálum unga fólksins en venjulega eru það fullorðnir og reyndir einstaklingar sem standa að baki þessum atburðum í gróðaskyni og senda hluta kostnaðarins til okkar skattgreiðanda vegna lögbundinnar löggæslu.

Mikið um ólæti og ryskingar á Akranesi í nótt

Ensk eldhús

Það er líklega maturinn sem fólk þarf að borða í enskum flugvélum sem gerir það svona veikt.

Tveimur flugvélum lent vegna veikra farþega

Er venjuleg lögga ekki líka með táragas?

Er ekki að bera í bakkafullan lækinn að senda vélbyssuvopnaða lögreglumenn á ungling með hníf?

Sérsveitarmenn yfirbuguðu 16 ára dreng með táragasi

Betri en boltamenn

Frábær árangur hjá svona lítilli þjóð að eiga svona glæsilega júdómenn og konur.

 

 

 

 

 

 

 

 

 

 

 

 

 

 

 

Íslendingar hlutu 9 verðlaun

Nema hvað

Það verður að taka ofan fyrir Dönum að sýna þessa framtaksemi.  Reyndar finnst mér að öllum trúarbrögðum og þeirri sérvisku sem þeim fylgja ætti að banna opinberlega.  Þeir sem vilja dýrka guð sinn geta gert það í einrúmi svo fremur sem það brýtur ekki gegn rétti annars aðila.  Í alþjóðavæðingunni erum við að sjá betur hvernig trúarbrögð vinna gegn rétti lítilmangans og skapa óróa í stað gleði.

Má reka konur í búrkum

Hring meðfram strönd

Af hverju byggja Reykvíkingar ekki hraðbraut meðfram ströndinni og gera þannig hring utan um höfuðborgina í stað þess að leiða alla umferð gegnum bæinn með misjöfnum gatnamótum?  Mig minnir að þetta hafi verið lagt fram fyrir áratug og drepið niður af umhverfissinnum sem vildu hlífa þeirri litlu strandlengju sem eftir er kringum borgina.  Held að Íslendingar eigi nóga strandlengju, sennilega lengstu strandlengju á hvern íbúa í veröldinni og þó litlum bita yrði fórnað fyrir betri umferð þá syrgi ég það ekki.  Það er "Trade off" í öllu sem við gerum til framfara og fólk verður að leggja á vogarskálarnar ávinning og kostnað sem réttlætir að framkvæma hluti eða láta ógert.  Mín einlæga skoðun er sú að við látum landið þjóna okkur sem mest án þess að eyðileggja fyrir komandi kynslóðir en ég get ekki séð að þjóðin þurfi á strandlengju kringum borgina sína á kostnað öryggis í umferðinni.  Öll sjónarmið eru góð og gild en stundum finnst mér rómantíkin fara offari á kostnað hagræðis?

Ekki spurning um annaðhvort eða, segir Gísli Marteinn

Hvað með önnur vitni?

Hvernig getur einhver sloppið sem flettir sig klæðum í þéttsetinni lest?  Voru ekki fleiri vitni að þessu dónaathæfi dómarans og svo myndir sem konan tók?  Kannski sér fólk eitthvað misjafnt sem allavega aðrir sjá ekki og þá er gott að hafa dómskerfi sem krefst ítarlegra sannana.

Háttsettur dómari sýknaður af ásökunum um að hafa sýnt á sér kynfærin