Sáttir við Straumsvík

Frakkarnir virðast sáttari við Straumsvík en Hafnfirðingar?

Alcan og Airbus gera langtímasamning

Hetjudáðir og Fálkaorður

Þvílík hetjudáð og útsjónarsemi hjá Helgu Garðarsdóttur.  Spurning hvort einhverjum detti í hug heiðra Helgu opinberlega fyrir þetta afrek en af gefinni reynslu þá gefa íslendingar hetjum ekki heiðursmerki, aðallega menningarvitrum og opinberum starfsmönnum fyrir að vinna vinnuna sína.  Kannski kominn tími á að þjóðin endurskoði hverja þeir heiðra á sautjánda júní þó ekki væri nema það að bæta hetjum sem leggja líf sitt í hætti við að bjarga öðrum með þeim sem við heiðrum fyrir að vinna vinnuna sína.

„Hann gat ekki fótað sig, straumurinn tók hann"

Sannir kapitalistar

 

Hvers vegna eru sumir Valhallarmenn ekki stoltir af dugnaði þessara hreinræktuðu kapitalista?  Það er þversögn í því að boða frjálst markaðskerfi en leggja börn kerfisins í einelti?

Baugur þriðja stærst í smásölu

Þegar öpum fjölgar

Gamalt kínverskt máltæki segir að þegar apaköttunum fari hratt fjölgandi beri  manni að líta sér nær og fara í gagnrýna naflaskoðun.  Kannski þetta eigi við Björn Bjarnason og ráðgjafa hans líka.  Bókhaldslega er ekki vel komið fyrir Birni í sínu pólítíska umhverfi og spurning hvort stefnur og markmið séu í takt við nútímann?

Hvort þetta eigi við Árna Johnsen er kannski annað mál.  Árni myndi líklega bregða á leik með öpunum því hann sér ekki vandamálið, ef það er þá eitthvert vandamál?

Árni og Björn færast niður um eitt sæti

Báknið Burt

Núna reynir á hagfræðinginn hann Geir að taka til í þjóðarbúinu og færa það í nútímalegra horf.  Af nógu er að taka einsog; landbúnaðarmálum, heilbrigðismálum, gjaldeyrismálum og svo ekki sé nú talað um þenslu hins opinbera og stígandi fjölgun opinberra starfsmanna.  Vonandi fær Geir hljómgrunn hjá sínum nýja samstarfsflokki til að hreinsa hressilega til í ríkisrekstrinum og minnka báknið eins og Sjálfstæðisflokkurinn hefur staðið fyrir svo áratugum skiptir; "Báknið Burt"

Fundur stendur enn yfir á Þingvöllum

Jafnvægi

Núna reynir á ábyrgð lánastofnana og skynsemi sveitastjórnarmanna að skapa jafnvægi milli lands og aðgengi fjár.  Þjóðin  má ekki gleyma þeirri staðreynd að unga fólkið okkar sem er að stofna fjölskyldu þarf að borga fáránlega vexti af alltof háu íbúðarverði.  Í landi þar sem land er nóg ætti ekki nokkur sem er að erfa landið að borga offjár fyrir land og síðan ofurvexti til að halda uppi íslenskri krónu sem ekki er gægð af.  Væri hérna eðlilegt markaðsumhverfi væri lóðarverð nánast frítt vegna gnægta lands en byggingarkostnaður ívið hærri þar sem aðföng koma langt að og vextir kannski rúmlega nágrannalöndin.  Þannig ætti fasteignamarkaðurinn að vera en raunin er allt önnur og unga fólkið dregur vagninn og þeir sem komast í lóðir hirða hagnað umfram allt velsæmi.

Vísitala fasteignaverðs á höfuðborgarsvæði hækkaði um 0,7%

Nema hvað

Hvað er fréttnæmt við að lögregla sé sýnileg?  Væri frekar frétt ef þessir 700 löggæslumenn, held að það sé heimsmet í fjölda miðað við höfðatölu, væru ekki sjáanlegir fólkinu sem þeir eiga að vernda. Núna þegar allur fjöldinn sem vann að rannsókn Baugsmálsins kemur útá götu ætti að vera öruggt að ganga um götur Reykjavíkur?

Lögreglan í höfuðborginni lætur mikið á sér bera

Harka þarna miðað við hérna heima

Það er eins gott að erlenda pressan fari ekki ofaní málin hérna heima hjá Framsókn og þeirra fólki.  Líklega höfum við verið of lengi einangruð og ekki getað borið okkur nægilega saman við eldri lýðræðisríki til að skilgreina opinbera spillingu samkvæmt nútíma normi.  Hvar í öðru lýðræðis sæti maki ákærðs samráðsmanns sem forseti alþingis og biði átekta meðan réttað væri í stórfelldu verðsamráðsmáli fyrirtækis fjölskyldunnar?  Þau okkar sem hér búa en hafa dvalist lengi erlendis þar sem lýðræðið er lengra komið blöskrar stundum einbúaháttur hins opinbera hérna en við getum ekki kvartað við neinn nema til þeirra sem lengst hafa heima setið og skilja ekki vandamáli.  Varla mikils skilnings að mæta þaðan.

Alþjóðabankinn hlýðir á mál Wolfowitz

Meðferð

Af hverju er ofbeldismenn ekki líka dæmdir í meðferð við ofbeldishneigð sinni líkt og erlendis.  Lausnin við heimilisofbeldi getur líka falist í langri sálfræðilegri meðferð og samtímis gert gerandann að betri borgara.  Fangelsisdómar einir og sér bæta ekki vandamál þessa fólks og þeirra aðstandenda.

Dæmdur í fangelsi fyrir árás á sambýliskonu sína

Á einhver Olli K nafnið?

Það sem fólki gengur til við að fá smáaura.

Titrarar nefndir eftir þýskum fótboltastjörnum