Að vinna vinnuna sína

Það er ekki auðvelt að vera í sporum presta þessa dagana, hommar og lesbíur vilja að þeir brjóti gegn aldagamalli hefð og sannfæringu kirkjunnar og leyfi þeim að ganga í heilagt hjónaband í kirkjunni þeirra og hljóti guðlega blessun.  Þjóðfélagið virðist hafa samúð með háværum minnihlutahópnum og spurningin um mannréttindi en ekki trú.  Þarna held ég að fólk misskilji eðli málsins, þ.e. hvað eru sjálfsögð borgaraleg réttindi og hvað er trú.  Þetta tvennt fer ekki saman einsog afstaða Kaþólsku Kirkjunnar til hinna ýmsu mála, getnaðarvarna, fóstureyðinga ofl.  Fólki myndi ekki detta í hug að lögbinda kirkjuna í Róm til að leyfa notkun getnaðarvarna?  Hvers vegna vilja hommar og lesbíur þvinga trúarfélag til að gera gegn sannfæringu sinni og trú í krafti laga?  Af hverju vill einhver vera þar sem hann eða hún eru ekki velkomin?

Tillaga um hjónavígslu samkynhneigðra felld

Neita að tala við fréttamenn

Þegar við, þjóðin, kjósum fólk til að gegna fulltrúastarfi fyrir okkur, þjóðina, getum við þá ekki krafist að fulltrúar okkar, þingmenn og skipaðir embættismenn, geti ekki undanskilið sig frá viðtali við fréttamenn hafi málið eitthvert erindi við okkur, þjóðina?  Gæti stjórnarmaður í stóru fyrirtæki neitað að tala við hluthafa síns fyrirtækis um mál er varða rekstur félagsins, ákvarðanir eða annað?  Framkoma Jónínu við fréttamann Sjónvarpsins var hrokafull og drambsöm.  Ætla mætti að Helgi bæri ábyrgð á því að núna væri komið upp mál sem engan varðaði og alþingi þjóðarinnar væri vettvangur sérhagsmuna Framsóknarmanna.

Hlutföll segja ekki allt

Hlutföll segja ekki nema hluta.  Kannski eru danskar löggur fyrr á vettvang og koma þannig inní aðrar kringumstæður en löggur á englandi.  Samt frekar "excess force" að skjóta einhvern sem er að lemja þriðja aðila og það þvisvar sinnum.  Kannski verðum við að fá Björn Bjarna til að kenna dönum löggæslu og þannig yrðu þeir Jón Ásgeir og Björn samferða í að leiðbeina Dönum á íslenskan máta, Jón í viðskiptum og Björn í löggæslu.  Reikna með að dösnku búningarnir myndu allavega verða flottari.

Danskir lögreglumenn byssuglaðir

Framsókn á fullu

Ber er hver að baki nema Jónínu sér eigi!

Nefndarmenn hafi tekið fram að þeim hafi verið ókunnugt um tengsl Jónínu og umsækjandans

Hafa ekki áhyggjur

Danir eru svona hamingjusamir af því að helstu verslanir hjá þeim eru í eigu íslendinga.  Núna þurfa þeir ekki að hafa áhyggjur af flóknum verslunar- og flugrekstri því Íslendingarnir gera þetta fyrir þá og þeir geta hugsað um stuttan vinnudag, bjór og sígarettur meðan þeir hlusta og horfa á Bang & Olsen græjurnar sínar.

Danir hamingjusamasta þjóðin í Evrópusambandinu

Kunna þetta ekki heldur

Mér sýnist við verða að senda íslenskar hjálparsveitir þangað til að kenna þeim meðhöndlun flugelda.  Danir geta ekki rekið flugfélög eins vel og Íslendingar, ekki tískuverslanir, ekki dagblöð, ekki Apple verslanir og núna eru þeir búnir að gleyma hvernig á að skjóta rakettum?

Flugeldur lenti á gestum í Tívolí

Þurfa að þrífa eftir sig

Innrásarþjóðirnar þurfa að axla meiri ábyrgð á ástandinu í Írak og gera margfalt meira fyrir íbúana sem eru fórnarlömb afskiptarsemi vesturlanda á þeirra högum einungis vegna þess að þarna eru olíulindir.  Líklega er meira fjallað um þessa 4 þúsund fallna bandarísku hermenn en þá rúmu hálfu milljón Íraka sem hafa fallið í kjölfar stríðsins.  Er ekki eitthvað athugunarvert við slíkt jafnvægi í umfjöllun?

Tvær milljónir Íraka hafa flúið land

Útskrifa fleiri

Hvers vegna þarf þjóðin að hlusta á þessar fyrirsagnir um skort á hjúkrunarfræðingum ár eftir ár?  Hvað er þjóðin að útskrifa margar hjúkkur miðað við strjórnmálafræðinga?  Í hvaða fagi eru hjúkrunarfræðinemar felldir?  Hvar er sían?  Hvers vegna er starfið ekki eftirsóknarverðara?  Eru laun í samræmi við ábyrgð?

Skortur á hjúkrunarfræðingum og sjúkraliðum ógnar öryggi sjúklinga

Varalið lögreglunnar

Áður en Björn Bjarnason kemur á þessu 300 manna varaliði lögreglunnar er vert að hugleiða hvernig nýtingin sé á því lögregluliði sem við búum við.  Getur verið að á Íslandi séu fleiri lögreglumenn á hvert mannsbarn en tíðkast annars staðar og glæpir þeir lægstu sem mælast innan OECD?  Hvernig væri þá að fara að mæla afköst lögreglunnar einsog hún starfar í dag og reyna að fara betur með almannafé eða þá að nota peningana í eitthvað annað.  Mér þætti gaman að heyra frá einhverjum sem þekkir þessar tölur og getur tjáð sig um hvort við séum að slá heimsmet í lögregluliði á sama tíma og við eigum heimsmet í lágum glæpum.

Skulda Íslendingar íslenskri náttúru mikið?

Og áfram með nýtingu náttúruauðlinda því það virðist vega þyngst á fólki þessa lands í dag.  Þau 1200 ár sem fólk hefur búið á þessari harðbýlu eyju gerðu menn ekki annað en að klára kjarr og þá litlu skóga sem landið átti.  Annað, fiskimið og jarðvinnslu, létu menn nánast í friði.  Ekki er hægt að segja að þjóðin hafi dafnað í þessu tillitsama sambandi sínu við landið og miðin og ekki fyrr en fólk fór að nýta fiskimið og fallvötn að almenn hagsæld hafi farið að stað.  Öll þessi vötn og ár fengu að fleyta í þúsund ár og hvergi í Evrópu hafði fólk það eins lélegt og hérna.  Núna getur þjóðin snúið þessu við og byggt virkjanir sem fjármagna neysluna og kannski ekki bókhaldslega rangt að segja að næg innistæða sé fyrir raskinu sökum 1200 ára hæværsku þeirra sem byggðu landið áður.  Þessu geta menn svo jafnað betur í bókhaldi með því að rækta skóga á móti stíflum og uppistöðulónum og þannig sagt að hvorutveggja sé verið að rukka gamla skuld og borga úttekt.  Við megum ekki gleyma að ef ekki er brætt ál með raforku þá er það gert með olíu sem margfalt eykur losun koltvíoxíðs á heimsvísu.  Álið í ofanálag léttir ökutæki sem síðan eyða minna eldsneyti og þannið koll af kolli.  Að virkja ekki íslensk vatnsföll er því ábyrgðarleysi gagnvart heildarlosun koltvíoxíds.